Qëllimet e Grupit Shqiptar të Arkeologjisë së Shpëtimit

Që kur është themeluar, Grupi Shqiptar i Arkeologjisë së Shpëtimit përcaktoi një numër objektivash dhe qëllimesh për aktivitetin e tij. Ato përfshijnë:

Grupi i Arkeologjisë së Shpëtimit dhe Komuniteti Arkeologjik Shqiptar
Grupi nuk është vetëm pjesë përbërese e komunitetit arkeologjik në vend, por gjithashtu përpiqet të luaj një rol aktiv në zgjerimin, efektivitetin dhe dinamizmin e tij. Qëllimi ynë është ta bëjmë Grupin një pikë referimi për të tërë komunitetin dhe një faktor për kohezionin e tij.

Grupi i Arkeologjisë së Shpëtimit dhe Institucionet Arkeologjike Shqiptare
Grupi planifikon dhe zhvillon aktivitetin e tij në bashkëpunim të ngushtë me autoritetet arkeologjike dhe institucionet e vendit. Partneri kryesor, gjithsesi, është Instituti Arkeologjik, si i vetmi institucion qeveritar i autorizuar për aktivitetet arkeologjike në Shqipëri. Bashkëpunimi është i planifikuar dhe zbatohet mbi bazën e projekteve.

Grupi i Arkeologjisë së Shpëtimit dhe standartet e praktikës arkeologjike në vend
Grupi gjatë aktivitetit të tij nuk ndjek vetëm standartet shkencore të vendosura nga Instituti Arkeologjik për praktikën e punës arkeologjike në Shqipëri, por gjithashtu jep kontributin e tij në modernizimin e këtyre standarteve. Veçanërisht, ne besojmë se Grupi ka shumë për te kontribuar në gërmimet stratigrafike në kontekstet urbane, në planifikimin e njësive të vetme stratigrafike, regjistrimin e të dhënave dhe ruajtjen e menaxhimin e tyre pas gërmimit.

Grupi i Arkeologjisë së Shpëtimit dhe kuadri ligjor i praktikës arkeologjike në Shqipëri
Grupi vepron mbi bazën e ligjit për Trashëgimine Kulturore të Republikës së Shqipërisë. Si pjesë e shoqerisë civile, gjithsesi, Grupi përpiqet te japë kontributin e tij modest në proçesin e formulimit të ligjit të ri për Trashëgiminë Kulturore dhe reformimin e sistemit arkeologjik në vend, bazuar në eksperiencën e punës në terren dhe në atë të organizatave të tjera të ngjashme Europiane.

Grupi i Arkeologjisë së Shpëtimit dhe zhvillimi i vendit: projektet kryesore të infrastrukturës
Projektet kryesore të infrastrukturës dhe ato publike, të cilat janë prioritet për zhvillimin e përgjithshëm të Shqipërisë, kanë një ndikim shumë të madh në trashëgimine arkeologjike të vendit. Për këtë arsye ato janë në fokus të aktivitetit të Grupit. Pas mbledhjes së të gjithë informacioneve për projektet kryesore të vendit, Grupi përpiqet të vendosë kontakte të ngushta me organizmat lokale dhe ndërkombëtare (Bankën Botërore, Zyrën e komunitetit Europian, Fondin Europian të Zhvillimit, Ministrinë e Punëve Publike, Ministrinë e Transporteve, Ministrinë e Mjedisit, e kështu me rradhë) dhe ti ndërgjegjësojë ato për rëndësinë e kërkimit arkeologjik para fillimit te punës ndërtuese. Duke ndjekur normat dhe rregullat e BE, Grupi përpiqet të ushtroje presion mbi organet që aktualisht financojnë këto projekte, të mbështesin punën arkeologjike të Grupit, duke treguar se ai (Grupi) është i aftë të jetë efikas, i shpejtë dhe cilësor në bashkëpunim me Institutin Arkeologjik.

Grupi i Arkeologjisë së Shpëtimit dhe sistemi arsimor: studentët e arkeologjisë dhe profesionistët e rinj
Siç është përmendur më lart, Grupi është një pjesë përbërëse e komunitetit arkeologjik, jo vetëm duke ofruar pajisje dhe mjete laboratorike, por gjithashtu duke i përfshirë ata në pothuajse të gjitha projektet e punës në terren. Në bashkëpunim me ekipet e huaja që punojnë në Shqipëri (britanike në Butrint, amerikane në Apolloni, franceze në Apolloni dhe Sovjan, etj), Grupi përpiqet të krijoje kushtet e nevojshme për ngritjen e shkollave të vërteta në terren për studentët e arkeologjisë.

Grupi i Arkeologjisë së Shpëtimit dhe publiku i gjerë
Një nga përparësitë e aktivitetit të Grupit është padyshim krijimi i marrëdhënieve të hapura me publikun e gjerë. Ne përdorim të gjitha format e komunikimit (elektronik, interneti, artikujt e gazetave, publikime të shkurtra, seminare, etj), jo vetëm për të bërë të njohur aktivitetin e Grupit, por edhe për të ndërgjegjësuar publikun e gjerë për vlerat arkeologjike, si dhe për vendin dhe rolin e tyre në zhvillimet e ardhshme të vendit.

Grupi i Arkeologjisë së Shpëtimit dhe arkivi i trashëgimisë kombëtare arkeologjike
Një tjetër synim i rëndësishëm i aktivitetit të Grupit dhe investim i madh i përpjekjeve dhe burimeve të tij është krijimi i një arkivi elektronik i cili do të zgjerohet me kalimin e kohës, projekt pas projekti. Qëllimi ynë është të krijojmë një sistem të hapur arkivimi që mund ti shërbejë kujtdo që është i interesuar dhe më e rëndësishmja është që ai është ndërtuar në mënyrë të tillë që të jetë i lehtë për kërkimet e ardhshme dhe për t’iu referuar. Nga ana tjetër, arkivi elektronik i Grupit do të ndjekë disa standarte bazë të Zyrës Kombëtare të Regjistrimit të Trashëgimisë Kulturore dhe do të jetë i ngjashëm me sistemin e arkivit të Institutit Arkeologjik, kështu që nuk do të ketë më sisteme të fragmentuara dhe të veçuara në nivel kombëtar.

Grupi i Arkeologjisë së Shpëtimit dhe publikimi
Ne mendojmë se i gjithë aktiviteti i Grupit duhet të reflektohet jo vetëm në terren, por gjithashtu edhe në publikime të ndryshme. Publikimet e Grupit nuk janë te kufizuara në raporte gërmimi, por përfshijnë shkrime dhe artikuj shkencorë per revista adashe dhe monografi në të ardhmen. Grupi mban lidhje te ngushta me revista si Iliria të Institutit Arkeologjik.