Legjislacioni për trashëgiminë kulturore,
“Parqet Arkeologjike Kombëtare dhe Zonat Arkelogjike
në Republikën e Shqipërisë”

U miratuan
- Ligji për trashëgiminë kulturore, për Muzetë, për parqet dhe zonat arkeologjike,
- Ligji për zonat arkeologjike brenda qendrave të banuara në Shkodër, Lezhë, Krujë, Durrës, Elbasan, Berat, Vlorë dhe Sarandë.
- Ligji për miratimin e kufijve dhe të rregullores së administrimit të parqeve arkeologjike të Shkodrës, Lezhës, Apollonisë, Bylisit, Amantias, Orikumit, Antigonesë, Finiqit, dhe Butrintit. Rregullorja e administrimit të parqeve arkeologjike ka si qëllim, përcaktimin e kufijve dhe rregullave për mënyrën e administrimit të parqeve arkeologjike të Shkodrës, Lezhës, Apollonisë, Bylisit, Amantias, Orikumit, Antigonesë dhe Finiqit.
Në zbatim të kësaj rregulloreje, u përcaktuan edhe termat për administrimin e parqeve arkeologjike si:
“PA” janë Parqet Arkeologjike, të Shkodrës, Lezhës, Apollonisë, Bylisit, Amantias, Orikumit, Antigonesë, Finiqit, dhe Butrintit.
“ZAKPA” është Zyra e Administrimit dhe Koordinimit të Parkut Arkeologjik, e cila është struktura përgjegjëse për administrimin dhe menaxhimin e parkut arkeologjik të Shkodrës, Lezhës, Apollonisë, Bylisit, Amantias, Orikumit, Antigonesë dhe Finiqit sipas kufijve përkatës në përputhje me këtë rregullore.
“BKPA” është Bordi Kombëtar i Parqeve Arkeologjike i cili harton, shqyrton dhe miraton strategjinë dhe koordinon projektet e programet e mbrojtjes, zhvillimit dhe administrimit të PA-ve.